Одлуката е донесена: Дибала заминува во јануари!

Италијанските медиуми пренесуваат дека Пауло Дибала сигурно ќе го напушти Јувентус и тоа е само прашање на време.

Јувентус донесе одлука да го продаде Аргентинецот, па откако пропадна неговиот трансфер ова лето, „старата дама“ ја одложи продажбата за шест месеци.

Сега прашање е каде ќе заврши Дибала. ПСЖ го сакаше како замена за Нејмар, но Бразилецот остана во Париз.

Интерес за Дибала покажуваат уште Тотенхем и Манчестер Јунајтед, па останува да се види кој ќе испрати примамлива понуда.

Јувентус би ги продал и Дибала и Манџукиќ, за да ги израмни сметките, но и да добие пари за својата прва голема мета, Енрико Киеса од Фиорентина.

Очигледно е дека Дибала е надвор од плановите на тренерот Сари и тоа тешко може да се промени.