Новинар пласираше вест дека Игуаин сака назад во Јуве – се огласи агентот на напаѓачот!

Имаше најави, но набрзо следуваше демант од братот на фудбалерот.

Во Италија се појавија гласини дека Гонзало Игуаин е спремен да се врати во Јувентус и тоа уште во јануари. Такви беа најавите на новинарот Масимо Брамбати, но братот на Игуаин многу брзо го демантираше.

Николас Игуаин ги демантираше таквите информации и новинарот Брамбати го нарече лажго.

„Би му порачал на Масимо Брамбати да не шири лаги, ниту сме разговарале за тоа, ниту пак јас сум зборувал нешто за враќање на Гонзало во Јувентус“, изјави братот и агент на аргентинскиот напаѓач.

Брамбати е поранешен фудбалер на Торино кој веќе долги години работи како стручен коментатор на миланските телевизии.