200 милиони за четири засилувања: Еве како Аморим сака да изгледа неговиот Манчестер јунајтед (Фото)

Започна првиот преоден рок во кој Рубен Аморим е тренер на Манчестер Јунајтед и се очекува доведување на низа засилувања кои би се вклопиле во неговата формација 3-4-3. Британските медиуми веќе шпекулираат како тоа ќе изгледа со доведувањето на четири големи ѕвезди.

Во 2025 година, Манчестер Јунајтед влезе со четири последователни порази, што е јасен знак дека Аморим го чекаат полни раце работа. Големата победа во градското дерби против Манчестер Сити беше всушност само сјај.

Самиот Аморим призна дека би бил посреќен ако ги преземеше „Црвените Ѓаволи“ за време на летниот преоден рок за да има време да донесе засилувања и да ја формира екипата во предсезоната.

Последните неколку недели за младиот тренер беа исклучително болни бидејќи сфати дека играчите кои ги затекна не се на нивото што се очекува од нив, па така Маркус Рашфорд и Каземиро веќе се отпишани.

„Мирор“ денеска објави како би можел да изгледа Манчестер Јунајтед доколку успеат да се реализираат четири трансфери од соништата за Аморим.

Така, се спомнува Алфонсо Дејвис за позицијата лев бек, бидејќи неговиот договор со Баерн истекува на крајот на сезоната, но конкуренцијата ќе биде жестока бидејќи Канаѓанецот го сака и Реал Мадрид.

Во последниот меч, Њукасл Јунајтед ги победи „Црвените Ѓаволи“ на „Олд Трафорд“ со 0:2, а Аморим остана импресиониран со начинот на кој одигра Бруно Гимараеш.

Еди Хау призна дека поминаа деновите кога клубовите не ги продаваат своите најдобри играчи, па заминувањето на Бразилецот е многу можно. На „Црвените Ѓаволи“ им се потребни 100 милиони евра за таа зделка.

Понатаму, „Мирор“ наведува дека Јунајтед треба да се обиде и за Дани Олмо откако Барселона не го регистрираше Шпанецот, па одличниот играч за врска практично е слободен.

Олмо, според Британците, би бил идеална опција на позицијата десет, бидејќи би донел креативност, трка и голови, што многу им недостасува на „Ѓаволите“ кои на последните три меча се без гол.

Желба за нападот е Виктор Ѓокереш, одличниот напаѓач кој Аморим го тренираше во Спортинг и добро го познава. Потребно е да се издвојат 100 милиони евра за да се активира откупната клаузула.

Швеѓанецот оваа сезона постигна 27 голови на 27 меча, се работи за вистинска гол-машина, напаѓачот за кој најмногу се зборува последните недели, па не е чудо што Аморим сака што побрзо да го доведе.

Досегашните напаѓачи Расмус Хојлунд и Јошуа Зиркзи дефинитивно не се на висина на задачата, за нивното доведување беа потрошени повеќе од 100 милиони евра, па сега се бара нов голгетер.