17 години му е помошник на Мурињо, а сега доби понуда за самостојна тренерска кариера

Руи Фарија го напушта Манчестер Јунајтед и стручниот штаб на Жозе Мурињо, а на масата има понуда од португалска Бенфика.

Фарија како помошник на Мурињо работи веќе 17 години, заедно освоија 26 трофеи со Порто, Челзи, Интер, Реал Мадрид и Манчестер Јунајтед.

Британски „Телеграф“ вечерва пишува дека Фарија сега ќе се обиде да направи самостојна тренерска кариера.

Бенфика разочара оваа година, ја освои втората позиција зад Порто во португалското првенство, а во Лигата на шампионите освоија само еден бод.

Доколку Фарија ја прифати понудата од Бенфика, што според „Телеграф“ е многу веројатно би било интересно доколку наредната година во Лигата на шампионите се сретнат Манчестер Јунајтед и Бенфика.