На Анчелоти не му смета карактерот: Го сака Диего Коста во Наполи

Напаѓачот на Атлетико Мадрид, Диего Коста е на излезна врата откако влезе во конфликт со тренерот Диего Симеоне.

Коста ја заврши сезоната со недоличното однесување по црвениот картон во мечот против Барселона. Потоа одби да тренира и влезе во расправија со Симеоне, па медиумите се сигурни дека неговите денови во Атлетико се изброени.

Сепак, напаѓачот нема да чека долго за нов ангажман, зашто тој е голема желба на Наполи, кој би можел летово да тргне по неговиот потпис.

Тренерот Карло Анчелоти ги цени квалитетите на Коста, а според тврдењата на „Кориере дело Спорт“, тој добил дозвола од раководството да го ангажира искусниот напаѓач доколку смета дека му е потребен.

Единствен проблем при реализација на трансферот може да биде големата плата на 30-годишниот напаѓач, па доколку сака да се реализира трансферот ќе мора да прифати помала плата.

Napoli are interested in signing Diego Costa from Atlético Madrid this summer on an initial loan deal with an option to buy. (Source: Daily Mail) pic.twitter.com/XlXHthD7ce

— Transfer News Live (@DeadlineDayLive) May 9, 2019