14 градови ќе бидат домаќини на Копа Америка во САД

Копа Америка следната година ќе се одржи во 14 градови во САД, а финалето ќе се игра на стадионот „Хард Рок“ во Мајами, потврди денеска Јужноамериканската фудбалска конфедерација.

Одредено е првото полуфинале да се игра во Њу Џерси, а второто на стадионот во Шарлот. Домаќини на четврфиналните средби ќе бидат Арлингтон, Хјустон, Лас Вегас и Глендејл.

Останатите градови домаќини се: Орландо, Санта Клара, Инглвуд, Канзас Сити (Мизури) и Канзас Сити (Канзас).

Натпреварувањето ќе се одржи од 20, јуни до 14. јули следната година и во него ќе учествуваат 16 селекции, десет од Јужна и шест од Северна и Централна Америка и Карибите.

Ждребот за групите е закажан за вторник.