Ќе игра ли Дибала во дербито против Јувентус?

Фудбалерот на Рома, Паоло Дибала би можел да го пропушти претстојното дерби против Јувентус во рамките од 18-тото коло во Серија А.

Рома во Торино гостува во сабота од 20:45 часот. Дибала се повреди на 10-ти декември против Фиорентина, а ги пропушти средбите против Шериф, Болоња и Наполи.

Очекуваа во Рома Дибала да биде спремен за натпреварот против поранешниот клуб, но малку е веројатно дека тоа ќе се случи.

Во досегашниот дел од сезоната Дибала одигра 11 натпревари и постигна четири гола. По 17 одиграни кола Рома е шеста на табелата со 28 бодови, додека Јувентус е на второто место со 40 бодови.

Ќе потсетиме, Дибала летото 2022 година пристигна во Рома од Јувентус и за „старата дама“ од 2015 година собра 210 настапи и постигна 82 гола.