Њукасл се засили од директниот ривал во борбата за опстанок

Екипата на Њукасл денес го комплетираше трансферот на Крис Вуд кој пристигнува од редовите на Барнли.

Вуд за Њукасл е второ засилување, претходно пристигна Киеран Трипиер. Интересно е што Вуд пристигнува од директниот ривал на Њукасл во борбата за опстанок Барнли. Њукасл е на 19-та позиција со 11 бодови, додека Барнли е едно место погоре, но со ист број на бодови. Сепак треба да се спомене дека Њукасл има два натпревари повеќе.

„Неколку пати сум играл на Сент Џејмс Парк и ова е еден фантастичен стадион. Среќен сум што ќе можам да го претставувам овој клуб пред овие неверојатни навивачи“, изјави Вуд.

Њукасл на Барнли за овој трансфер му исплати 25 милиони евра, а Вуд потпиша договор на две ипол години.