Јовиќ со рекорд на сезоната го водеше Мајами до убедлива победа (Видео)

Младиот српски кошаркар повторно доби голема доверба од тренерот Ерик Сполстра и за 32 минути на теренот успеа да постигне 21 поен, додаде и осум скока и пет асистенции во победата на неговиот Мајами против Портланд со 119:98.

За Јовиќ, ова е најдобрата изведба во досегашниот дел од сезоната, а доказ дека игра сè подобро е и тоа што ова е петтиот натпревар во кој Јовиќ има двоцифрен учинок. Инаку, имаше и одличен шут за три поени, четири од седум.

Хиро беше најефикасен на натпреварот со 32 поени, додека кај Портланд Симонс постигна 28.