Јоаким Лев стави потпис на нов договор со Германија

Јоаким Лев го продолжи договорот со Фудбалскиот сојуз на Германија.

Фудбалскиот сојуз на Германија и Јоаким Лев денес ја продолжија соработката.

Лев е човек кој на Германците им донесе многу радост, со оваа репрезентација успеа да го освои Мундијалот и Купот на конфедерации, а во овој момент е еден од селекторите со најдолг стаж во репрезентациите.

Од 2006 година ја води репрезентацијата на Германија, а денес стави потпис на нов договор со важност до 2022 година.

Значи, планот е тој да ја води Германија и на Мундијалот во Катар.

Наскоро се очекува Лев да го соопшти поширокиот список на патници за Русија.