Арда Гулер продолжува да се обидува да се наметне кај Карло Анчелоти во силната конкуренција на средниот ред на Реал Мадрид. Турскиот 20-годишен играч за врска оваа сезона одигра вкупно 1088 минути – дури 999 помалку од 19 години постариот Лука Модриќ. И покрај тоа, уверен е дека ќе успее.
Гулер пристигна во Реал во 2023 година како 18-годишник од Фенербахче. Шпанските медиуми брзо почнаа да го споредуваат со Модриќ, а трансферот изнесуваше 20 милиони евра, со дополнителни 10 милиони преку бонуси. Фенербахче има и право на 20 проценти од заработката од потенцијална идна продажба.
Совети од нутриционист: Вистината за исхраната! Што е најдобро за вашето здравје? ↓↓↓
Гулер сѐ уште нема стандардно место во тимот. Анчелоти му верува помалку отколку на Модриќ, кој и понатаму ужива голем углед. Колку е тоа нагласено, покажува и коментарот на новинарот на Кадена СЕР, Антонио Ромеро, во преносот на натпреварот: „Модриќ, пензиониран, во градината со домати во Хрватска, подобар е од Гулер“.
И покрај сè, Гулер е сигурен во својата иднина во Мадрид.
“Купив куќа во Мадрид. Убеден сум дека ќе успеам. Работам напорно и подготвен сум за секој натпревар. Реал ми даде план и јас верувам во тој план. Единствена желба ми е да играм во Реал и да му помагам да победува. Подготвени сме за борба за трофеи”, изјави Гулер.
Учество во игри на среќа е дозволено за лица со 18+ години. Играј одговорно!