Ѓоковиќ потврди: Австралија Опен може да се одложи

Српскиот тенисер Новак Ѓоковиќ смета дека постои ризик од одложување на Австралија Опен поради големите пожари што беснеат на континентот.

Создаден е чад кој може да го загрози здравјето на играчите, а и температурите се премногу високи.

„Ако дојде до точка дека нешто му се заканува на здравјето на играчите, ќе мора да размислиме за одложување на турнирот. Ова е најекстремната опција. Затоа што сум сигурен дека организаторите ќе сторат се што е можно за да не се одложи турнирот, изјави Ѓоковиќ.

Грен слем турнирот во Мелбурн треба да се одржи од 20 јануари до 2 февруари.

„Одлуката околу евентуалното одложување би била многу тешка за организаторите, треба да се почитува распоредот, а Австралија Опен се игра во строго одреден термин. Многу фактори се во игра, но грижата за здравјето на тенисерите е најважна“, додаде Ѓоковиќ.