Ѓоковиќ: Мојот проблем се вика Рафаел Надал

Најдобриот светски тенисер, Новак Ѓоковиќ стана рекордер по бројот на недели поминати на прво место на АТП листата.

Ѓоковиќ сега има за цел да ги надмине Рафаел Надал и Роџер Федерер кои имаат по две грен-слем титули повеќе од него. 

Следен грен-слем на програмата е Ролан Гарос, а Новак не крие дека негов најголем проблем на тој турнир е Рафаел Надал.

„Имам проблем на Ролан Гарос и тој се вика Рафаел Надал. Но, ќе се обидам оваа година да дојдам до трофејот“, изјави Ѓоковиќ.

„Ако имате совет како да го победам, кажете ми. Морате да бидете физички и ментално подготвени за да го победите. Еднаш го направив тоа, но и често губев. Ова ми е најголемиот предизвик и ќе дадам сè од себе за да го победам“, додаде Србинот.