Ѓоковиќ и официјално повторно број еден тенисер во светот

Oд денес Новак Ѓоковиќ и официјално повторно е број еден тенисер во светот на најновата АТП ранг-листа

Данил Медведев на врвот на АТП помина три недели, а сега Новак ја започна неговата 362. Недела како лидер. Ѓоковиќ има 8.465 бодови, 55 повеќе од рускиот тенисер. За да се врати на првата позиција Медведев мора да стигне барем до полуфиналето на Мајами, Ѓоковиќ нема да настапи на овој турнир поради мерките задолжителна вакцинација.

Надал скокна едно место погоре и сега е трет со 7.715 бодови, Зверев е четврти, а потоа следуваат: Циципас, Рубљов, Беретини...Освојувачот на Индијан Велс Тејлор Фриц напредуваше 12 позиции и сега е осми тенисер во светот.