Ѓоковиќ ги повика српските навивачите: Дојдете, можеби последен пат играм во Белград!

Српскиот тенисер, Новак Ѓоковиќ викендов го чека настап за Србија против Грција во Дејвис Купот, а сега ги повика навивачите да ги исполнат трибините во Пионир бидејќи можеби ова е негов последен меч на домашен терен.

Ѓоковиќ секогаш кога бил во можност ја прифаќал поканата да игра за националниот тим, но бидејќи веќе има 37 години мора да ги редуцира настапите.

Покрај годините на Ѓоковиќ сменет е и системот на Дејвис Купот во однос на пет-шест години и само една рунда се игра на теренот на еден од противниците.

„Навистина победите во Дејвис Купот носат посебно чувство затоа што со себе го имате селекторот и соиграчи. Пред нашата публика последен пат играв пред седум години исто така во Дејвис Купот. Затоа сосема е реално ова да е можеби мојот последен настап тука, па сакам да ги повикам навивачите“, изјави Новак.