Шок за преубавата тенисерка – На Марија Шарапова и се заканува затворска казна!

На познатата убава тенисерка Марија Шарапова и се заканува казна затвор и тоа во Индија.

Тениската суперѕвезда е на ударот поради измама околу луксузни стамбени објекти во Индија. До обвинувањата дошло откако нејзиното име било поврзувано со луксузниот проект кој требаше да биде завршен во 2016 година, но никогаш не ни започна.

Клиентката која требало да ја купи луксузната куќа се жалела на судот дека е измамена од фирмата „Ballet by Sharapova“. Доколку се докаже дека Шарапова е виновна би можела да добие затворска казна и до седум години.

Судењето на која би требало да се појават Шарапова и оштетената клиентка е закажано за 23 ноември.