Шест гола со ВАР драма во финишот: Шефилд и Јунајтед во фантастичен натпревар ги поделија бодовите (ВИДЕО)

Фудбалерите на Шефилд и Манчестер Јунајтед одиграа фантастичен натпревар кој заврши без победник 3:3.

Домаќините поведоа со 1:0 во 19-тата минута со голот на Флек. На самиот почетокот на второто полувреме постигнуваат нов гол преку Моусет. Изгледаше тогаш дека Јунајтед ќе доживеа нов тежок удар, но во седум минути Јунајтед направи неверојатен пресврт.

Прво 19 годишниот Вилијамс погоди за 2:1, за пет минути подоцна Гринвуд да изедначи на 2:2. Рашфорд во 79-тата погодува за комплетен пресврт.

Овој период ги шокираше домаќините, но сепак не ја изгубија главата и во продолжението постигнаа гол за поделба на бодовите.

Стрелец на голот кој долго време се прегледуваше на ВАР беше МекБурн.