Јуп Хејнкес на клупата на Баерн е само неколку дена, но веднаш се почувствува промената. Баварците запишаа две последователни победи и тоа со гол разлика 8:0.
Еминентниот весник „Билд“ денес ги открива шесте правила кој ги воведил искусниот тренер со намера повторно да го врати Баерн на победничките патеки.
Пред дербито, падна најважниот потпис во Манчестер Сити! ↓↓↓
Ограничување на мобилните телефони
На играчите им се забранува користење на смартфони за време на оброците и додека се на масажа.
Точност
Хејнкес смета дека точноста е многу важна – кога фудбалерите пристигнуваат на тренинг, кога заминуваат, кога одат во ресторанот на оброк, кога си легнуваат итн. Кај Карло Анчелоти слични наружувања не беа санкционирани.
Чистота
72-годишниот стратег држи многу до чистотата и затоа бара од фудбалерите само да си ги чистат шкафчињата во соблекувалната и тоа секој ден.
Учтивост
Независно со кого комуницираат – соиграчи, раковдството па дури и чистачките, фудбалерите се должни да се однесуваат учтиво и со почит.
Без групи во тимот
Хејнкес му забранил на фудбалерите да се делат во одредени групи во соблекувалната, зошто атмосферата е добра само кога колективот е силен.
Сите заедно во ресторанот
Фудбалерите се должни да се хранат заедно после тренинзите.
Учество во игри на среќа е дозволено за лица со 18+ години. Играј одговорно!