Шевченко пред дуелот со Милан: Ќе се обидам да ги задржам емоциите

Вечерва Џенова ќе игра против Милан, а тоа ќе биде посебен натпревар за Андреј Шевченко кој е играчка легенда на „росонерите“.

Шевченко ќе ја води Џенова во својот втор натпревар и тоа повторно против тежок противник откако во минатото коло доживеа пораз од Рома.

„Секогаш ќе навивам за Милан, но не сега. Секако, воодушевен сум од натпреварот во Милан, но ќе се обидам да ги задржам своите емоции. Ќе се обидеме да го збуниме Милан. Противникот игра добро и напаѓачки, а тоа ни кажува дека мораме да бидеме максимално внимателни“.

„Не се жалам, не барам алиби, но многу ќе ни недостасуваат нашите повредени играчи. Кришито, Дестро, Каиседо, се клучни играчи на Џенова“, додаде популарниот Шефа.

Дуелот помеѓу Џенова и Милан се игра во вечерва од 20:45 часот.