Шевченко во Скопје, доби македонски дрес

Македонската фудбалска репрезентација до 19 години беше поразена од Украина со 2-0 во елитниот квалификациски турнир за пласман на ЕП кој се одржува во Скопје.

По тој повод во Скопје пристигна и легендарниот Андриј Шевченко, кој  сега прв човек на Фудбалската федерација на Украина.

Првиот човек на Фудбалската федерација на Македонија, Муамед Сејдини му подари дрес од македонската репрезентација.

„Андриј е наш драг гостин. Заедно споделуваме искуства и на чести состаноци во УЕФА. Се заблагодари на гостопримството и на добрата организација на турнирот. Посакував престојот во Скопје да не мине резултатски позитивно за него, барем на првиот ден од натпреварите, но денешниот фудбал не простува грешки, а ние денеска наивно загубивме од Украина. Остануваме позитивни за преостанатите два меча од групата“, изјави Сејдини.

Фото: ФФМ