„Чистка“ во ПСЖ, заминуваат Покетино и 10 фудбалери

Пари Сент Жермен доживеа уште еден неуспех и вчера беше елиминиран во осминафиналето од Лигата на шампиони.

Тоа значи дека и покрај големите инвестиции и доаѓањето на големи ѕвезди, сепак и оваа сезона ќе се смета за неуспешна, па раководството ќе прави „чистка“ на крајот на сезоната.

Француските медиуми тврдат дека Покетино сигурно ќе биде сменет и „светците“ веќе бараат нов тренер, а на листата желби се Зидан и Конте.

Катарските сопственици најавија големи промени во тимот, па дури и Лео Меси не е сигурен, кој е најплатен, а игра под сите очекувања.

Клубот сигурно ќе го напуштат Икарди, Ерера, Ди Марија, Паредес, Вајналдум, Дагба, Курзава, Дрекслер и нормално Мбапе.

Заминувањето на Мбапе ќе биде најболно, но ПСЖ не може да го задржи и Французинот на лето ќе замине како слободен агент.

ПСЖ сигурно ќе има огромен буџет за засилувања и ова лето, а прва и најголема желба е Ерлинг Халанд од Борусија Дортмунд.