Червар: Ќе биде тешко, Веспрем е апсолутен фаворит!

По завршувањето на Светското првенство во Франција, прв предизвик за Металург ќе биде настап во СЕХА-лигата против Веспрем.

Стратегот на металурзите Лино Червар, вели дека Веспрем е апсолутен фаворит на средбата и дека ќе биде навистина тешко да се парира на мечот.

„По долгата пауза за СП во Франција, Металург им се враќа на обврските во СЕХА лигата. Наш прв противник во новата година е екипата на Веспрем која е еден од најсилните тимови во Европа и апсолутен фаворит на претстојната средба“.

„Веспрем е екипа која има одлични ракометари на секоја позиција и игра извонреден ракомет на кој тешко може да му се парира. Сепак, ние ќе се обидеме да го наметнеме нашиот стил на игра. Се надевам дека ќе имаме малку технички грешки и дека одбраната и нападот ќе имаат свој ден“, изјави Лино Червар.

Металург презими на 8.место на табелата во СЕХА лигата, со 10 бода од 13 одиграни натпревари, а натпреварот против Веспрем на програмата е утре во 18:00 часот.