Чави: Реалноста е дека оваа Барселона е тим за Лига Европа

Барселона вчера не можеше ништо да направи и заслужено изгуби од Баерн Минхен со 3:0, со тој пораз Барселона се пресели во Лигата на Европа каде што ќе ја продолжи европската сезона.

Така Барселона после долго време нема да биде дел од нокаут фазата.

„Не би сакал да го користам зборот дебакл затоа што не е соодветен, секој што се труди не може да доживее дебакл. Баерн беше многу подобар на треренот заслужено победија. Се обидовме високо да ги притиснеме и да им ја одземеме топката, но не можевме ништо. И на играчите им кажав дека почнуваме нова ера во која мораме многу да работиме. За жал реалноста е дека Барселона во овој момент е тим за Лига Европа, мораме да ја прифатиме ситуацијата и да работиме за да го вратиме клубот на славните патеки“, изјави Чави.