Tренерот на Барселона, Чави Ернандез беше многу незадоволен од играта на својот тим во поразот од Шахтјор во четвртото коло од групната фаза во Лигата на шампионите.
Во Хамбург каде што Шахтјор играше како домаќин поради ситуацијата во Украина славеше со 1:0. Единствениот гол на натпреварот го постигна Сикан во 40. минута од натпреварот.
До кога ќе дишеме отровен воздух!? | Уште еден поткаст
На табелата во групата Барселона и Порто го делат првото место со девет бодови, Шахтјор имаше шест, Антверпен нула.
„Точно е дека сме во тешка ситуација кога станува збор за нашата игра и тоа како ја губиме топката кога напаѓаме. Тежок момент во сезоната, но се случува. Треба да останеме позитивни, ова е можеби најлошиот натпревар во последните две години.
Две години не сме поминале во нокаут фазата, сега сме на добар пат, но пропуштивме прилика тоа да го обезбедиме. Ваквиот натпревар ни се случи во најлоп можен момент. Секако дека се зависи од нас и се уште сме блиску. Но, ова е Лига на шампиони и секој натпревар е тежок и бара максимална посветеност“, истакна стратегот на Барселона.
Учество во игри на среќа е дозволено за лица со 18+ години. Играј одговорно!