Црвена Звезда доцна се разбуди: Партизан е шампион во АБА лигата!

Партизан и Црвена Звезда одиграа одличен петти натпревар во финалето на АБА лигата, а на крајот победи синоќешниот домаќин со резултат 96:85.

Секако, со оглед на домашниот терен, Партизан беше фаворит на овој меч, кој беше навистина одличен на паркетот и заслужено славеше.

Партизан почна феноменално. По почетното водство од 6:0, нивната предност само растеше, а по пет минути игра имаат предност од 16:9.

До крајот на првата четвртина предноста на Партизан само растеше и така првата четвртина заврши со нивно водство од 30:18.

Како што заврши првата четвртина, така и втората започна на ист начин. Феноменалната игра на Партизан по три минути му носи предност од 38:22.

На три минути до крајот на првото полувреме Партизан имаше предност од 46:26, а на пауза се замина со 20 разлика. Резултатот беше 54:34.

Третата четвртина донесе конечно будење на Црвена звезда, кои покажаа дека дошле да играат кошарка, а не да бидат убедливо поразени.

Предноста на Партизан се топеше од минута во минута, но малкумина веруваа дека до четвртата четвртина Црвена звезда може да направи драма.

Сепак, тоа се случи. Последниот период од натпреварот влезе со водство на Партизан од 75:68 и беше јасно дека ни претстои интересна завршница.

За разлика од првите три четвртини, во последниот дел немаше премногу поени, но Партизан го направи токму тоа што требаше.

Тие го одржуваа водството, и не и дозволија на Црвена звезда да го доведе овој натпревар до неизвесна завршница за нивните навивачи.

На крајот сосема заслужено остварија победа и станаа шампиони во АБА лигата.