Херој на денот: Голманот на Ватфорд спаси живот на 80-годишен човек

Голманот на Ватфорд, Бен Фостер е главна тема во медиумите на Островот, поради неговиот потег надвор од терените.

Минатиот викенд, Фостер додека се враќал од стадионот по мечот со Кристал Палас, забележал постар човек како изнемоштено се движел покрај улицата. Бен бил во автомобилот заедно со својата сопруга и татко му, но решил да застане и да види дали му е потребна помош на старецот, кој веќе паднал на тротоарот.

Постариот господин имал проблем со автомобилот не можел да го запали, па решил да оди пешки до неговиот дом, кој бил одалечен 20 километри, но потоа се изгубил.

Фостер стигнал во вистински момент, го одвел во неговиот дом, му дал топла облека и го повикал заедно да го прослават Божиќ. Покрај ова 80-годишниот фан ќе добие сезонски билети за дуелите на Ватфорд.

Super Ben on the pitch and off it ? https://t.co/HXxmrt8uyw

— Watford Football Club (@WatfordFC) December 14, 2019