Хари Кејн ја донесе одлуката за тоа каде ќе ја продолжи својата кариера

Напаѓачот на Тотенхем и најверојатно најдобриот играч во Премиер лигата во овој момент, Хари Кејн донесе неочекувана одлука.

Иако иднината на Хари Кејн се уште официјално е непозната, британскиот „The Sun“ донесува информација дека тој одлучил да остане во Лондон уште една година. Долго време се зборуваше дека Кејн на лето сигурно ќе си замине од клубот и ќе се пресели во Реал Мадрид, но тој сепак одлучи да остане член на „Петлите“ уште една година.

Станува збор за веројатно најдобриот играч во англиската лига во последно време и Кејн ќе има многу понуди ова лето, но дали ќе одолее на секоја, останува да видиме. Потсетуваме, тој во текот на оваа сезона одигра вкупно 38 натпревари во сите натпреварувања, а постигна неверојатни 35 гола.