Хаос на повидок: Обвиненија од таткото на Заза на сметка на Славен Билиќ

На почетокот на изминатата сезона, Симеоне Заза беше доведен како големо засилување во Вест Хем.

„Чеканите“ во целта да ја подобрат својата реализација, го донесоа Заза на позајмица од Јувентус, меѓутоа полусезоната мината во клубот за италијанскиот напаѓач беше за заборав. Во шест месеци не постигна ниту еден погодок за Вест Хем.

Таткото на Заза, Антонио кој воедно се гриѓи и за неговата кариера, денес истакна дека заминувањето од Англија било голема грешка.

„Погрешивме. Симеоне тогаш и натаму беше загрижен поради пеналот кој го промаши на ЕП против Германија и не успеа да се прилагоди во Англија“, истакна Антонио и додаде:

„Тој таму не беше среќен поради лошото време и формацијата на својот некогашен тренер Славен Билиќ“.

Заза дождливиот Лондон го замени со сончевата Шпанија, што според зборовите на Антонио е најдобра одлука за неговиот син. Носејќи го дресот на Валенсија, игра како препороден.