Хамес се предомисли: Сакам уште долго да останам во Реал!

Хамес Родригез ги демантираше шпекулациите дека на лето ќе го напушти Реал Мадрид и истакна дека сака уште долго да остане на „Сантиаго Бернабеу“.

Ова е всушност демант на самиот себе си, бидејќи Колумбиецот неодамна јавно призна дека не е задоволен од својот статус во Реал и размислува за промена на средината.

Тоа покрена лавина на шпекулации, но сега Хамес Родригез истакна дека после долго размислување заклучил дека Реал Мадрид е вистинскиот клуб за него.

„Многу размислував за тоа и сватив дека Реал Мадрид е клубот каде што сакам да бидам. Секогаш сум сонувам да играм за овој клуб и сега сакам да останам овде многу години“, изјави Родригез.

Колумбиецот оваа сезона запиша 20 настапи за „кралевите“, но само на 4 меча беше стартер во Примера.