Фјури: Вајлдер повторно ќе биде шампион, а сега кралот се врати на престолот!

Taјсон Фјури со технички нокаут во седмата рунда во Лас Вегас го победи Деонтај Вајлдер и ја освои титулата во ВБЦ.

За Фјури ова беше прва светска титула после 2015 година кога сензационално го победи Кличко. Фјури доминираше од самиот старт, а судијата ја прекина борбата откако беше фрлен пешкирот од аголот на Американецот.

Фјури после победата покажа дека има почит кон Вајлдер.

„Морам да го пофалам Деонтај бидејќи покажа срце на шампион. Стана и издржа до седмата рунда бидејќи вистински воин. Сигурен сум дека повторно ќе биде шампион, a сега кралот се врати на престолот“, изјави Фјури по победата.