Фудбалерките до 19 години со пресврт до победа против Кипар

Женската репрезентација на Македонија до 19 години денес забележа победа со 2:4 против Кипар и тоа со голем пресврт.

Кипар преку Киракиди и Замани набрзина во 21. и 24. минута дојде до предност од 2:0. Македонија до крајот на полувремето преку Николовска успеа да намали на 2:1.

Во второто полувреме нашите девојки постигнаа три гола. Два беа дело на Викторија Недева, а конечните 2:4 ги постави Велкова. Со оваа победа завршуваме како втори во групата со шест бода, но поради полоша гол разлика од другите втори места нема да влеземе во баражот.

Пред Кипар ги победивме Фарски Остроови и бевме поразени од Белорусија.