Фото: Рамос се пофали со новиот изглед

Капитенот на Реал Мадрид, Серхио Рамос полека се опоравува од повредата на носот.

Рамос после дуелот со фудбалерот Лукас Ернандез во дербито против Атлетико мораше да го напушти натпреварот, но како и што им вети на фановите на „кралевите“ на терен се враќа многу брзо.

Искусниот дефанзивец го пропушти само натпреварот против АПОЕЛ во Лигата на шампионите, а на терен ќе се врати веќе против Малага во натпреварот Примера.

Како и што обично се случува по скршениот нос, Рамос доби заштитна маска која ќе ја користи во наредните натпревари, а истата ја покажа на друштвените мрежи, а под истата напиша „Работи напорно, сонувај големи соништа“.