ФОТО: Пеле имаше порака за Роналдо по освоената „Златна топка“

Легендарниот бразилски фудбалер, Пеле имаше интересна порака откако Кристиано Роналдо ја освои петтата Златна топка.

Потсетуваме, Португалецот синоќа уште еднаш го надмина Лео Меси и на тој начин се изедначи со него кога станува збор за титулата најдобар играч во светот. Пеле по церемонијата се огласи преку Твитер и му даде голем комплимент на Ронадло.

„Му честитам на Роналдо за освоената петта Златна топка. Сакав да имам прилика да играм во ист тим како ти!“, напиша Пеле на Твитер.

Се разбира, Пеле исклучително добро знае како е кога ќе ве спроедат со некој фудбалер. Тој и Марадона (иако не играа во исто време) со години се споредуваа како двајца најдобри фудбалери на сите времиња, додека на сцената не се појавија Роналдо и Меси.