Флик: Македонија има добри идеи на теренот и тактички се силни

Македонија утре ќе се соочи со Германија во Скопје, пред овој натпревар Германците остварија победа со 2:1 против Романија.

Селекторот Ханси Флик зборуваше за утрешниот натпревар на денешната прес-конференција.

„Македонија има добри идеи на теренот и тактички се силни. Плус се мотивирани од победата во Германија. Мораме да бидеме внимателни. Имам идеи околу тоа како ќе играат и имам спремено неколку варијанти за кои ќе се одлучам во зависност од тоа што ќе се случува на теренот“, изјави Флик.

Натпреварот против Германија го играме утре со почеток од 20:45 часот.