ФИФА потврди: Полска директно во финалето за баражот на СП

Светската фудбалска организација ги разреши сите дилеми околу селекциите на Украина и Русија.

Претходно во текот на денот беше потврдено дека баражот помеѓу Шкотска и Украина е одложен, а сега е потврдено дека Полска директно оди во финалната пресметка во баражот.

ФИФА ја суспендираше Русија од своите натпреварувања, Русите се жалеа пред Арбитражниот суд во Лозана, но тоа не им помогна. Полска оди директно во финалето, иако постоеше можност и оваа средба да се одложи или пак Полска да игра со друга селекција.