Филип Лам ја донесе најтешката одлука!

Капитенот на Баерн Минхен, Филип Лам донесе конечна одлука и ќе стави крај на фудбалската кариера по завршувањето на сезоната.

Според германскиот „Кикер“, Лам и дефинитивно ја донел својата одлука иако раководството на клубот и тренерот Карло Анчелоти се обиделе да го убедат да ја одложи пензијата за уште една година.

Лам на почетокот на овој месец го запиша 500-от настап за баварскиот гигант, а после пензионорањето готово сигурно ќе добие некоја нова улога во клубот.

Иако од клубот му понудиле важна улога во раководството, сепак Лам се одлучил за работа во младинската академија бидејќи во иднина сака да биде тренер.

Лам е легенда на Баерн и на германскиот фудбал, а за германската репрезентација има одиграно 113 натпревари и стана светски шампион во 2014 година.