УЕФА решава: Дали ќе се откаже Лигата на нации?

Во понеделник Европската фудбалска федерација (УЕФА) ќе решава за иднината на репрезентативното натпреварување Лигата на нациите.

Проблемите во календарот на УЕФА создадени од пандемијата на корона вирусот, ги принудува челниците на Европската куќа на фудбалот да бараат нови решенија во и онака веќе згуснатиот календар. 

„Мирор“ објави дека со оглед на густите термини поради пандемијата на коронавирусот јасно е дека Лигата на нации нема да почне во септември, како што е планирано, а во игра е и откажува или одложување.

Конечната одлука за лигата на нации, но и термините на сите натпреварувања, меѓу кои и баражот за Европското првенство, ќе го донесе Извршниот комитет на 27 мај.

Токму преку ова натпреварување македонската фудбалска репрезентација ќе ја брка историската шанса за пласман на Европското првенство. Полуфиналниот натпревар против Косово беше одложен и се уште се чека одлука за конечниот термин.