Уапсен бивш НБА-шампион, му пронашле дрога и 14 куршуми

Поранешниот НБА кошаркар, Иман Шумперт е уапсен на аеродромот во Далас, бидејќи имал големо количество марихуана!

Тој завршил во затвор бидејќи марихуаната не е легализирана во Тексас, а покрај споменатата дрога, поранешниот НБА шампион во багажот имал и 14 куршуми од калибар 9 мм.

„Според извештајот на полицијата, обезбедувањето на аеродромот на скенер забележало сомнителна ќеса во неговата торба, по што признал дека има марихуана. Доколку биде прогласен за виновен, тој може да добие затворска казна од две години и парична казна од 10.000 долари“, пишуваат американските медиуми.

Шампер во текот на кариерата играше за Њујорк, Кливленд, Сакраменто, Хјустон и Бруклин, кој му беше последен клуб.