Сагата околу трансферот на рускиот фудбалер Максим Максимов во Вардар и понатаму продолжува, откако Тракаи се оглеси дека активирал постапка против Вардар во ФИФА по кои македонскиот шампион може да се соочи со сериозни казни.
„Не знаеме по кои правила Максимов е фудбалер на Вардар. Тој си замина оттука без да има официјален трансфер, бидејќи никогаш немаше преговори меѓу двата клуба. Во договорот на Максимов нема откупна клаузула, поради што Вардар не може на тој начин да дојде до нашиот фудбалер. Доколку во наредните неколку денови рускиот фудбалер не се врати во нашите редови, тогаш ќе реагираме до ФИФА, па Вардар може да добие забрана за регистрација на нови фудбалери во два трансфер периоди“, соопштија од литванскиот клуб.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Вардар не го регистрира Русинот за натпреварите за Лига Европа, а македонскиот шампион експресно одговори на протестите на Тракаи.
Нека пишуваат што сакаат. Ние ги следиме правилата на УЕФА и на ФИФА и работиме на трансферот и регистрацијата на Максимов. Имаме правен тим кој го работи случајот и не знам што друго би кажал. Нема што ние да им го враќаме Максимов, само тој ако сака може да се врати“, изјави извршниот директор на Вардар, Самоил Симев.
Учество во игри на среќа е дозволено за лица со 18+ години. Играј одговорно!