Тотре верен на Шкендија до 2021 година!

Талентираниот Енур Тотре стави потпис на нов договор и се обврза на верност со Шкендија до 2021 година.

22-годишниот Тотре е играч кој потекнува од школата на „црвено-црните“, а со новиот договор ќе остане во Тетово најмалку до до јуни 2021 година.

„Многу сум среќен што го продолжив договорот со Шкендија. Јас сум во клубот во кој израснав и кој ми даде шанса да станам дел од првиот тим. Ова е прекрасен ден за мене, среќен сум што преговорите завршија, останува да се насочам кон успеси”, изјави Тотре.

Тотре првиот тим настапува од сезоната 2014/15, и веќе има 107 настапи за Шкендија.