Торес: Дојдов да помогнам Барса да се врати каде што заслужува да биде

Барселона денес го претстави Феран Торес кој пристигнува во клубот како големо засилување.

Каталонците на Манчестер Сити за Торес му платија 55 милиони евра.

„Секогаш сум велел дека одам во Манчестер Сити за да се вратам во еден од најголемите клубови во Шпанија. Уште во првиот момент кога ме контактираа од Барселона не размислував. Сакам да и помогнам на Барселона да се врати онаму каде што треба да биде“.

„Не ми е грижа каде ќе играм, тоа ќе го одлучи тренерот. Кога можете да играте на повеќе позиции тогаш сте од поголема помош на тимот. Во секој клуб секаде има голема конкуренција, па така е и тука. Конкуренцијата е добра затоа што ве мотивира“.

„Во Сити многу научив, Гвардиола е еден од најдобрите и имам од таму само убави спомени“, изјави Торес.