Тензија во Оклахома: За малку тепачка помеѓу Кари и Весбрук (видео)

From left, Oklahoma City Thunder guard Russell Westbrook and guard Semaj Christon (6), Golden State Warriors forward Draymond Green, Thunder forward Taj Gibson, and Warriors guards Stephen Curry and Klay Thompson get into a tussle during the second quarter of an NBA basketball game in Oklahoma City, Monday, March 20, 2017. At right are Warriors center Zaza Pachulia and Thunder guard Victor Oladipo. (AP Photo/Sue Ogrocki) ORG XMIT: OKSO105

Ноќ за паметење во НБА лигата, посебно одбрележана од дуелот помеѓу моментално двата најлути непријатели во САД – Оклахома и Голден Стејт.

Откако им го „дрпнаа“ Кевин Дјурант, „Громовите“ од Оклахома не можеа да ги смислат „Воините“, што јасно уште еднаш се покажа на терен. Така, во финишот од првото полувреме за малку не дојде до сериозен инцидент кога се случи физички контакт помеѓу неколку спротивставени кошаркари.

Сè започна со туркање на Кристон и Стиф Кари, за потоа во тоа да се вмеша Расел Вестбрук, кој се насрчи на плејмејкерот од „Воините“ и гужвата беше неизбежна. За среќа, немаше удари, а сè заврши на „докажување машкост“ со туркање, но тоа сепак беше потенцијал за ситуацијата да ескалира во нешто подраматично.

Голден Стејт славеше со резултат од 111:95 и ја впиша 55-та победа во сезоната, со што ја задржа предноста од три победи во однос на Сан Антонио Спарс, со кои бијат битка за првото место во Западот. Гостите натпреварот го решија во вториот дел, во кој Оклахома ја сведоа на само 17 поени, постигнувајќи 34, така што последните 12 минути можеа да си дозволат луксуз да ја изгубат таа четвртина со дури десет разлика и да не си ја загрозат победата.