Судијата кој „свирна“ крај во 85. минута ќе суди на Светското првенство

Eдна од најинтересните ситуации на последниот Африкански Куп на Нации се случи на натпреварот помеѓу Мали и Тунис кога судијата Џани Сикавезе однекоја причина отсвири крај на средбата во 85. минута.

Во тој момент разбирливо настанаа големи протести од страна на фудбалерите на Тунис кои губеа со 0:1, натпреварот на крајот се продолжи, но повторно Сикавезе го заврши во 89. минута. И тогаш следуваа протести, но овој пат одлуката не се промени.

Причина што оваа ситуација се враќа во центарот на вниманието на јавноста е што Сикавезе доби повик од ФИФА да суди на Мундијалот во Катар на крајот на оваа година. Чудно е што после ваков „кикс“ добива шанса да им суди на најдобрите светски репрезентации, но останува да видиме како ќе се покаже.