Суарез го реши дербито на вечерта, Ливерпул победи со голеада на „Енфилд“ (ВИДЕО)

Фудбалерите на Барселона во дербито на вечерта на свој терен го победија Интер со 2:1.

Интер одлично го отвори натпреварот против Каталонците и стигна до водство уште во третата минута. Санчез го проигра Лаутаро Мартинез кој одлично се снаје и погоди за 0:1.

Барселона имаше иницијатива после примениот гол и се закани преку Бускетс и Гризман, но голови немаше. Интер имаше неколку неверојатна шанса преку една контра на Сенси и Лаутаро, но Тер Штеген со фантастична одбрана ја спаси Барса.

Во второто полувреме Барселона тргна по изедначување. После големиот притисок одбраната на Интер капитулираше во 58-та минута. Видал асистираше, а Суарез со одличен волеј погоди за 1:1.

Продолжи Барселона да напаѓа, меѓутоа тешко Каталонците доаѓаа до 100% шанса. Така беше се до финишот од натпреварот кога Лео Меси имаше еден продор после кој додаде до Суарез кој со својот втор гол ги постави конечните 2:1.

Вистинска голеада видовме на „Енфилд“ каде што Ливерпул со 4:3 беше подобар од Салзбург.

Ливерпул започна фуриозно и до 36-тата минута преку Мане, Робертсон и Салах веќе водеше 3:0. Три минути подоцна Салзбург намали на 3:1 преку Хванг Хе-Чан. Со 3:1 се замина на полувреме.

Салзбург во второто полувреме преку Минамино и Холанд успеа да стигне до 3:3!

Сепак, Ливерпул не дозволи некое чудо, Салах во 69-тата минута погоди за 4:3.

Останати резултати:

Валенсија – Ајакс 0:3

Зенит – Бенфика 3:1

Лајпциг – Лион 0:2

Лил – Челзи 1:2