Студен туш во Мадрид: Винисиус не е освојувачот на „Златната топка“, Реал бојкотира!

Винисиус Жуниор нема да ја добие „Златната топка“ за најдобар фудбалер во изминатата сезона.

Бразилецот важеше за главен фаворит, многумина веќе и го гледаа како освојувач на ова признание, сепак најпознатиот фудбалски инсајдер, Фабрицио Романо има поинакви информации.

Имено, Романо јасно потенцираше дека Винисиус нема да биде добитникот, иако не откри кој ќе ја добие.

Исто така во Реал Мадрид донеле одлука да не присуствуваат на церемонијата во Париз вечерва бидејќи биле шокирани затоа што Винисиус не ја добил наградата.

Како што стојат работите во овој момент, освојувач веројатно ќе биде Родри, бидејќи и третиот конкурент е од Мадрид, Џуд Белингем, па во Реал не би бојкотирале ако тој е освојувачот.