Столе Димитриевски спремен да преговара за трансфер во Саудиска Арабија?

Maкедонскиот голман Столе Димитриевски според информациите на дел од медиумите има понуда и е отворен за преселба во Саудиска Арабија.

Во веста која ја пренесуваат шпанските медиуми и медиумите кои ги следат случувањата во Саудиска Арабија се наведува дека македонскиот чувар на мрежата е заинтересиран за преселба во земјата каде што пристигнаа голем број европски ѕвезди.

Засега не се открива името на клубот кој покажал интерес за Димитриевски, само се наведува дека тој е спремен да преговара.

Не е првпат Димитриевски да се поврзува со клубови од оваа земја, па останува да видиме како сега ситуацијата ќе се одвива.