Стоилов: Да не се лажеме – Веспрем е апсолутен фаворит

Пред неделниот натпревар со Веспрем капитенот на Вардар Стојанче Стоилов беше искрен и кажа дека противникот е апсолутен фаворит во овој натпревар.

„Не очекува натпревар со Веспрем, последен натпревар од оваа полусезона во Лигата на шампионите. Нема многу што да се каже, сите знаеме каква е ситуацијата. Да не се лажеме Веспрем е апсолутен фаворит, наше е да излеземе и да се бориме“, изјави Стоилов.

Капитенот потоа доби прашање за проблемите со одбраната.

„Сите што играме влечеме повреди. Голманите реално не се на ниво, но тие не се виновници. Играме со тоа што имаме. Во нормална ситуација сигурно не би играле на ваков начин“, одговори Столе.

Натпреварот помеѓу Вардар и Веспрем се игра во недела од 17:00 часот.