Стерлинг призна: Размислувам да го напуштам Манчестер Сити

После шпекулациите во медиумите Рахим Стерлинг и самиот призна дека размислува да си замине од Манчестер Сити.

Стерлинг има помалку од две години до истекот на актуелниот договор, а како што сега стојат работите нема намера да го продолжи.

„Ако има понуда од клубо д надвор од Англија спремен сум да разговарам. Искрено, размислувам да го напуштам Сити, сакам да се пробам на друго место. Тоа би било ново искуство и предизвик за мене“, изјави Стерлинг.

Причина за ваквите размислувања на Стерлиг веројатно е тоа што не е прв избор кај Гвардиолоа.

„Се фокусирам на себе и не сакам да се жалам. Нормално дека сакам да играм секој натпревар и да постигнувам голови, тоа ме прави среќен. Ќе видиме што ќе се случува во иднина“, изјави Стерлинг.