Статистиката не лаже: Гризман никогаш не бил во полоша серија

Напаѓачот на Барселона, Антоан Гризман се наоѓа во најлошата серија во последните шест години, пренесува „Мундо Депортиво“.

Французинот нема ниту гол ниту асистенција во последните седум натпревари, открива  статистиката.

Последно Гризман постигна гол против Наполи во осминафиналето од Лигата на шампиони.

Кога станува збор за асистенциите, неговата последна беше уште во 2019 година. Гризман асистираше на 7-ми декември во победата против Мајорка (5:2).

Од почетокот на сезоната Гризман има одиграно 41 меч во сите натпреварувања, од кои 37 во стартниот состав и постигна 14 гола. Во моментов цели 573 минути ја нема затресено мрежата на противникот.