Спектакуларен пресврт на Јунајтед, Челзи и Баерн убедливи🎥

Манчестер Јунајтед со спектакуларен пресврт ја победи Аталанта (3:2) во третото коло од Лигата на шампиони.

После првите две кола јасно е дека Јунајтед се наоѓаше пред императив победа, но работите не тргнаа добро за „црвените ѓаволи“.

Имено, Аталанта рано стигна до водство со голот на Пашалиќ и го шокира Олд Трафорд, а неколку минути подоцна Демирал погоди за 2:0, резултат со кој се замина на одмор.

„Црвените ѓаволи“ во второто полувреме тргнаа фуриозно и кончено после многу промашени шанси, Рашфорд погоди за 1:2. Мегваер постигна гол за израмнување, а Роналдо го завери големиот пресврт во 81-та минута.

Во другиот натпревар од оваа група Виљареал стигна до висока победа против Јанг Бојс од 1:4.

За разлика од Јунајтед фаворитите Баерн Минхен и Челси немаа такви проблеми и славеа со 4:0 против Бенфика односно Малме.

Јувентус продолжува да реди победи во Лигата на шампиони и со 1:0 славеше на гостувањето кај Зенит.